Jæja...
Það er sem sagt kominn sunnudagur. Vá og kannski þá eitthvað að segja frá...

Á föstudaginn gerði ég mest lítið, nema ég fór í bekkjarpartý hjá Höllu, en hún er í 5-R. Svo fór ég í heimsókn til Þorgerðar, en gerði samt mest lítið annað en að kubba með litla krúttinu henni Vöku. Svo fór ég og sótti Ölmu í vinnuna og hitti þá pabba og félaga og það var heilmikið stuð. Annars þá eignaðist ég ástmann á föstudaginn, þ.e.a.s. Alexandra Spaulding eignaðist ástmann á föstudaginn. Held að hann sé kallaður Robbi, samt ekki viss...

Laugardagur...vaknaði klukkan tíu og drullaðist niður á Hótel Í. Með eitthvað drasl fyrir mömmu. Fór svo í yndislegt afmæli til Þorgerðar þar sem ég tilkynnti að ég myndi gifta mig innan tveggja ára undir fossi yndielsgum manni, sem ætti marga marga peninga og þrjár kindur. Það var fólk í afmælinu sem hélt að ég væri að meina þetta í alvörunni. Greinilega fólk sem þekkir mig ekki neitt. Anyways. Mér var boðið í kokteilboð með pabba til Valgerðar Sverrisdóttur, það er að segja pabba var boðið og ég var boðflenna. Það var ágætis, fullt af skrítnum framsóknarmönnum og svona, ég held samt að ég gangi ekki í framsóknarflokkinn, mér leist ekkert á þetta undarlega fólk. Fór með mömmu, Ástríði, Ölmu, Helenu, Guðrúnu, Huldu, Lárusi og Arnari á Made in USA. Hörkugóð sýning, en ekkert spes svona séð í annað skipti.

Humm... er að fara í heimsókn til ömmu svo....
bleble

-Þurí