Rain day from hell.....
Hvað er að koma fyrir... ég vissi ekki betur fyrir viku síðan en svo að vorið væri komið, og miðað við það ætti að vera sumar í dag en nehehei.... Nefninlegast þegar ég vaknaði í morgun þá hljóp ég út (því ég var sein) og mig rak í rogastans þegar ég kom útum dyrnar. Þar blasti við eitthvað hvítt útumallt (kakómalt). Mig grunaði ekki hvaða fjandi þetta var sem var búinn að yfirtaka allar götur, bíla, þök og eiginlega bara allt sem var úti. Þannig að ég neyddist til þess að fara að ryðja þessu hvíta drasli af Mikka litla. Skafan mín virkaði ekki (sem ég nota venjulega til þess að skafa snjó af rúðunum með) svo ég þurfti að nota allan líkamann eiginlega. Reyndi einhvern veginn að klifra upp á bílinn til þess að ná risastóru hrúgunni ofan af honum því ekki vildi ég að þetta ferlíki flygi beint yfir á næsta bíl. Svo þurfti ég að brúka allan efri past líkamans til þess að ryðja af framrúðunni og af húddinu. Þetta var rosalegt. En nú skulum við fara hratt yfir sögu og bregða okkur til klukkan 14:00 í dag. Þá var skólinn búinn og við ætluðum útí bíl til þess að reyna að komast heim. Við stigum út úr hinni miklu byggingu Verzlunarskólans og þá var svoleiðis hellirigning og allt þetta hvíta orðið að einhverju gráu þykku sulli sem var útum allar götur. Komst einhvern veginn útí bíl og blotnaði mest í fæturnar. Núna er mér sem sagt mjög kalt á tánum.

Við Eva fundum betri mynd af Stefáni í dag... (híhí) hún er þessa dagana á forsíðu Verkmenntaskólans.

Hvað á að gera um helgina... það er spurning, þarf að vera búin með síðustu tvær bækur Íslandsklukkunnar á þriðjudag svo ég held að ég geri mest lítið...
ætla að fara að hlýja mér á tánum þar sem það vill enginn gera það fyrir mig
kv.

-Þurí