Ég vildi bara tilkynna ykkur það að ég á í eldheitu ástarsambandi!!! Þetta samband er samt mjög stormasamt! Ást eina stundina, hatur hina stundina!!!

Maki minn í þessu sambandi er... VISA kortið mitt!!!

Í síðustu viku kom Visa reikningurinn.
Ég tók helvítis kortið úr þægilega leðurhólfinu í veskinu og beit í það. Ég var að velta því fyrir mér að setja það í tætarann og njóta þess að horfa á það kveljast og þjást. Svo datt mér í hug fleiri hugmyndir til að pína það. Setja það í fullt glas af vatni og stinga því í frystikistuna (ég hef nebbla heyrt fólk tala um að "frysta Visa-kortið sitt" það hlýtur að vera mjög vont)
Svo datt mér í hug að vefja því inní álpappír og stinga því inní örbylgjuofninn!!! Eða leggja það í sófann og stinga spólu í vídjóið með upptöku af utandagskrár umræðu á Alþingi um einkavæðingu íslenskra ríkisfyrirtækja, skilja það eftir þar í svona sólahring eða svo!!!! ...múhahaha

Ákvað að bíða aðeins með hefndaraðgerðirnar meðan ég ákvað hvaða pyndingar-aðferð skyldi notuð!

Svo um daginn villtist ég inní búð í Kringlunni... og sá þennan líka sjúklega flott jakka. Sem kostaði aðeins meiri peninga en ég átti!!! Ég bara VARÐ að fá þennan jakka, og var hálfpartinn búin að ákveða að fara niðrá Hlemm og selja á mér rassgatið.
En viti menn, pikkar ekki ELSKU Visa-kortið í mig og segir: "Heyrðu, ég skal bjarga þér frá þeirri skömm og svífyrðingu að selja á þér rassgatið á Hlemmi. ÉG skal bara gefa þér þennan jakka"
Ég tók elsku dúlluna mína uppúr veskinu þar sem hún lá í mikilli óreiðu innámilli nammibréfa og visakvittana og kyssti hana í bak og fyrir!!! Elsku elsku yndislega ástin mín... líf mitt væri sem dimmir dalir heljar án þín!!! Lofuð sé viska þín! Dýrð sé þér og segulröndinni þinni!!!!

Visa-kortið fékk aftur heiðurs-hólfið í veskinu mínu. Umvafið leðurlíki og dýrðlegum ilmi!!!

Þetta er stormasamt samband, en vel þess virði. Ég hef komist að því að Visa-kortið er það eina sem maður getur treyst á í þessu lífi! Það er alltaf til staðar fyrir mann!

-Eva