Síðasti dagurinn í Mývatnssveit runninn upp og ég er enn að vinna. Kemur mér svo sem ekkert á óvart. Skrítin tilfinning að vita að þetta sé síðasti dagurinn í bili.
Afaballið var nú frekar trist. Ég og Harpa röltum upp eftir eiturhressar og til í svakalegt dansiball. Við vorum reyndar ekki í dansskónum en samt vorum við spenntar. Þegar við komum voru 8 manns inni á staðnum og þá var hljómsveitin meðtalin. Gæjarnir í hljómsveitinni voru æðislegir, allir svona farnir að minnka soldið, fjórir afar, upplýstu okkur um það að þeir væru í afafélaginu. Rosalega ánægðir allir saman að vera afar. Elsti gæinn söng og spilaði á gítar. Þetta var allt mjög krúttlegt. Verst var að við vorum svo fá og ekki var úrvalið af fólkinu inni á staðnum til að hrópa húrra fyrir. Ég held að þegar mest var höfum við verið 25 og þá er hljómsveitin líka meðtalin. Ja hérna hér. Samt tókst okkur að skemmta okkur ótrúlega vel og koma hrikalega seint heim.
Flugið mitt í kvöld er klukkan 20:50.. eg hlakka til að hitta fólkið mitt :)

kv.
Þuríður