Gleðilegt ár og takk fyrir gamla

Átti skrítin áramót, en samt góð. Var stödd í RVK í fyrsta skipti í nokkur ár. Man reyndar ekki hvenær ég var hérna síðast. Ég skálaði í óáfengu í fyrsta skipti síðan ég var 14 ára og var farin að sofa rúmlega 3 eftir að hafa keyrt ættingjana til síns heima. Það var ágætt, kom heim, blaðraði í símann við ofurölvi fólk og sofnaði svo og svaf í 12 tíma.
Helsta afrek mitt var samt það að ég sprengdi flugeld alveg sjálf :) stuttu seinna reyndi Lárus frændi að skjóta heilli tertu í okkur, en það mistókst þar sem við kvenpeningurinn í fjölskyldunni náðum að flýja inn í stofu. Systur hennar mömmu voru inni að róa hundana og afi stóð í glugganum og var gjörsamlega heillaður af litadýrð himinsins. Þetta var gaman.
Er að fara í nýjársdagsboð til Hædíjar, bannaði henni að hitta kærastann sinn og sagði henni að ég væri mikilvægari, það er reyndar ekki satt. Hann var að fara að hitta vini sína. Restin af kellingunum mínum er að vinna eða uppteknar með kærustunum sínum.