Well ó well...

Næturvakt 3... ég á ekkert svo margar eftir. Það er farið að dimma frekar vel á kvöldin svo það verður alltaf skrítnara og skrítnara að taka þessar vaktir, aðallega þó einhvern veginn hljóðlegra og hljóðlegra.
Klukkan 6 kemur morgunverðarkonan og þá venjulega byrja ég að tala og tala og tala og tala... enda búin að þaga í 6 og hálfan tíma og þarf því að bæta upp tal-tapið.
Ég er með pínu Reykjavíkur heimþrá, skrítin tilfinning, það gerist nú sjaldan hérna í sveitinni. Kannski er það af því ég hlakka svo fáránlega mikið til að byrja í skólanum.. ég veit ekki.

Var að spjalla við karlinn í tunglinu, tunglið svo skýrt og fallegt :) dásamlegt...

Fórum nokkur héðan í gær að borða á hótel Gíg, fórum svo útí hraun á eftir og ég tók nokkra vel valda energizers og þau náttúrulega veltust um af hlátri, enda er þetta ekkert annað en bráðfyndið fyrir fólk sem þekkir cisv ekki neitt. En þau skemmtu sér alveg konunglega og ég auðvitað líka. Kyrrðin úti var hreint stórkostleg, himininn heiðskýr og við bókstaflega fylgdumst með myrkrinu koma og fara aftur, horfðum á tunglið færa sig á himninum og sólina rísa. Himininn skipta um liti... blár, bleikur, fjólublár... það eru auðvitað ekkert nema forréttindi að fá að vera frá svona fallegum stað eins og Mývatnssveit.

Jæja... nóg um það... eigum við ekki að taka villt tjútt þegar ég kem í bæinn??