*geeeiiiiissssp* jæja þá er allt ready, eða svona hérumbil...

þorláksmessa er svo nötts alltaf, eða þú veist... mikið að gera. Ég náttúrulega tjúttaði fram á nótt í góðra vina hópi og var svo dregin á lappir rétt eftir hádegi til að undurbúa jólin. Allir á heimilinu æðislega æstir. Ég og litla systir settar í að skella seríunum á tréð, mamman var ekki nógu ánægð, þannig við gerðum það aftur. Ég var svoltið dúm í hovedet, svona, kannski bara ennþá hress svolítið. Sagði brandara og bullaði, bullaði eins og ég ætti lífið að leysa. Hengdu upp jólaóróa útumallt, hengdi upp þvott og fór í sturtu... já það þarf líka að gera það á þollllák. Klæddi mig svo upp og fór með mömmunni í kringluna, hélt langar staðreyndaræður um lauslæti karlmanna í bílnum, þeir eru víst ekki hannaðir til einkvænis. Ég lærði það allaveg í sálfræði. Ég og mamman kláruðum síðustu jólaverslunina í Kringlunni sem var eiginlega tóm, eða þannig, við þurftum að minnsta kosti ekki að bíða í neinni röð. Jólagjöfum komið til skila og svo var haldið í skötupartý hjá ömmu og afa. Úffff... það er ekki gott að vera svoltið dúm í hovedet í skötuboði, það var svolítil velgja í mér, eða svoleiðis, ég lifði það nú af og borðaði mína lasaníu stillt og góð.
Kom fleiri jólagjöfum til skila og aðstoðaði þorgerði frænku mína við að fleygja fólki út af kaffihúsinu hennar.
Ahhhh það eru að koma jól :)