Went too fast, way too soon, I feel disgusted and you should too...

Jahér minn sann!!! Hún Þurí mín bara orðin tækniteiknari... eða whatever. Allavega fær hún 8 rokkprik af 10 mögulegum fyrir einstaka snilli sína í heimasíðugerð.

Ég er annars að skríða saman eftir föstudagskvöldið! Ég er hissa að það hrærist með mér ræna enn þann dag í dag. Ég hlýt bara að vera með aukaskammt af heilasellum eða eitthvað. (skýrir líka hvað ég var gáfuð fyrir föstudaginn, núna er ég sumsé komin í normið)
Ég kýs nú að muna sem minnst eftir þessu blessaða föstudagskvöldi, en örlitlar minnisgloppur skjótast þó inn svona endrum og eins yfir kvöldið. T.d. þegar ég var á Nelly's að gera ótakmarkað grín að eitthverjum aumingjans svía sem Auði tókst að grafa upp þar. Svíi þessi hafði ekkert illt unnið af sér nema boðið mér í glas og þó hreytti ég ónotum í hann við hvert tækifæri.... reyndar hafði hann sveipað um háls sér eittverjum klút/slæðu á alveg einstaklega samkynhneigðan hátt og það var víst uppspretta ónota minna í hans garð. Ég vona að hann muni ekki eftir mér!
En guð er réttlátur og lét mig aldeilis finna fyrir því seinna um kvöldið, þegar ég ákvað að setjast á ósýnilegan stól sem ég virtist sjá, með þeim afleiðingum að ég pompaði á gólfið í viðurvist óteljandi vitna. En svona er þetta... what goes around comes around... ég er með risa marblett á hægri rasskinn og virðist brákuð á hægri hönd! Ég átti það víst skilið!

Laugardeginum var svo eytt undir sæng með 10 lítra vatnsglas mér við hlið. Eins og glöggir menn hafa e.t.v. gert sér ljóst á þessum tímapunkti var ekki mikið um lærdóm þann daginn og heldur lítið í gær líka þar sem líkamsstarfsemin var ekki enn komin í samt lag.
Heilsan er betri í dag og ég er búin að lesa yfir mig um deilur þjóðarbrota í mið-austurlöndum!

bið ykkur annars vel að lifa og forðist Bakkus... hann er svikull andskoti þegar allt kemur til alls
sæl að sinni
-Eva

ÉG ÞOLI EKKI...
...fólk sem er með myndavélar á djamminu ... verkfæri satans!