Ég er þakklát, þakklát fyrir fjölskyldu mína og vini sem standa við bakið á mér sama hvað gerist.

Mömmu og pabba sem eru klettur í lífi mínu.
Ástríður systir mín sem fær mig til að brosa undir hvaða kringumstæðum sem er og ég get alltaf talað við og treyst á.
Gullglyðrurnar sem ég get kallað til sama hvað bjátar á.
Kristín sem er alltaf tilbúin til að fara með mér út fyrir öll velsæmismörk.
Margrét Erla, tár-bros og takkaskór vinkona mín.
Eva sem er tengd mér hugsanaböndum,
Heiðbrá sem þekkir mig betur en ég sjálf,
Alma sem hefur alltaf rétt fyrir sér og hefur áhyggjur á við 5 mömmur,
Sigrún sem er til staðar þó hún búi þúsundir kílómetra í burtu,
Marta og Hjörtur sem hafa heimili sitt alltaf opið fyrir mér og Hjörtur sem kemur mér til að brosa hvar sem er og hvenær sem er,
Jón Ívar sem nennir að hlusta á mig og tala um allt milli himins og jarðar.

Mikið á ég gott að eiga góða að. Ég gæti hreinlega ekki verið heppnari. Það er gott að gera sér grein fyrir því. Það er sannur jólaandi að elska fólkið sitt og vera þakklátur fyrir það sem maður hefur. Fjölskyldu, vini og heilsu.

Gleðileg jól